الأخوان والثورة !!!!!

احنا مش هنعلق حبل المشنقة لحد ومش هنحاسب حد احنا بس بالراحة وبكل هدوء هنعرض شوية أخبار قديمة ونسيب الناس هيا اللى تفهمنا هو فى ايه علشان مبقناش فاهمين بالظبط ايه اللى بيحصل
 بدأ التجهيز لثورة مصر العظيمة قبل يوم 25 يناير ونشر الدعوات ع النت وفى الشوارع وفجأة يطلع علينا مكتب الارشاد بتاع الجماعة " الأخوان " ويقول ان الجماعة لن تشارك فى مظاهرات يوم 25 يناير !!!!!!!! وادى لينك للخبر

الإخوان لن تشارك في مظاهرات 25 يناير ..وترفع 10 مطالب للنظام لتهدئة الشارع 

http://www.dostor.org/politics/egypt/11/january/19/35341

ماااااااااااااااااااااااااشى المظاهرات مش واقفة على الاخوان يعنى مع ان فى ناس محترمة من شباب الجماعة شارك معانا فى يوم 25 معارضا بذلك أوامر مكتب الارشاد 

بعد كده لقينا الاخوان بيشاركو فى الثورة وقيادات الجماعة عماله تدعو للمشاركة بقوة مع المتظاهرين !!!!!!!

واحقاقا للحق منقدرش ننكر دور الاخوان فى حماية المتظاهرين والمشاركة معاهم فى يوم جمعة الغضب وموقعة الجمل " مع ان فى كلام من عضو ائتلاف الثورة اسلام لطفى قال فيه ان قيادات الجماعة طلبت من الشباب الانسحاب يوم موقعة الجمل ولكنهم رفضو "

المهم ياسيدى عدت الحوارات دى كلها وثورتنا مستمرة  

ونجيى بقى للحركة اللى ضايقت نص الشعب وعليها مليون علامة استفهام لحد دلوقتى 

يوم مااا وافق الاخوان ع المفاوضات مع نائب رئيس الجمهورية وقتها عمر سليمان فى عز ما كانت الثورة شغالة طب ليه ؟؟؟؟

وايه السبب ؟؟  هل لان ذلك يعتبر اعتراف رسمى بجماعة الاخوان بعد ما كانت جماعة محظورة ؟ الله اعلم !!!! محدش يعرف 

بس فى ناس قالت ان كده الجماعة تخلت عن مطالب الثورة قبل اكتمالها لتحقيق مصالح شخصية بس برده الله اعم 

المهم وفضلت المسيرة ماشية لحين تنحى مبارك والجيش مسك البلد وكله تمام

بس برده كان لسه فى تباطؤ فى عدم تنفيذ مطالب الثورة وقرر الثوار نزول الميدان مرة تانية بهدف حماية الثورة 

وبرده الاخوان منزلوش ليه بقى !!!!!!!!

شوف الخبر ده

 

(الإخوان) غابوا عن (جمعة إنقاذ الثورة) للاحتفال بعيد اليتيم
http://www.shorouknews.com/contentdata.aspx?id=422324

!!!!!!!!!!!!!!!!!!!!!!!!!!!!!!!!!!!!!

وتوالت الجمعات بعد الجمعات وحس الناس ان الثورة بتضيع وبتتسرق منهم فقرروا تكلمة المسيرة  والمطالبة بتنفيذ مطالبهم عن طريقة النزول يوم الجمعة 27 مايو فيما عرف بالثورة المصرية التانية 

وكان موقف الاخوان صدمة لمعظم فئات الشعب 

الاخوان يرفضون المشاركة فى جمعة "الغضب الثانية" ويصفونها بالوقيعة
http://www.gn4me.com/gn4me/details.jsp?artId=3959114

 ومحدش بقى عارف فيه ايه بين الاخوان والمجلس العسكرى بالظبط !!!!!!!!!!!!

فكل يوم تصريحات مستفزة يعنى مثلا يقولك الجيش حرر سيناء يوم 25 ابريل 

والجيش حرر مصر يوم 25 يناير !!!!!!!

شوف الصورة دى

http://on.fb.me/jriljG

 وكتيييييييييييير من الافعال والتصريحات المستفزة اللى محدش عارفلها معنى ويبقى السؤال 

هما الاخوان عاوزين ايه ؟؟؟؟؟؟؟

حد يعرف يجاوبنى ؟؟؟

ahmed shalaby